• A voceira do grupo municipal, Olga Louzao, instou ao Goberno local a tramitar con urxencia esta ordenanza cuxo anuncio de radacción foi publicado no Boletín Oficial da Provincia o 9 de xaneiro de 2017. O retaso está a causar importantes consecuencias estéticas e ambientais por mor dos valos e a ausencia de lonas decorativas en zonas que sofren feismo urbanísitico

 

Lugo, 12 de novembro de 2019.  A voceira do grupo municipal de Cs Lugo, Olga Louzao, denunciou esta mañá o incomprensible retraso na aprobación da ordenanza que regula a instalación de publicidade exterior. «O noso grupo presentou no 2015 unha proposición refrendada polo pleno para acabar coa colocación indiscriminada de valos publicitarios e regular o seu uso dentro do noso municipio. Máis de catro anos despois segue sen estar aprobada. É inadmisble a innacción deste Goberno», sinalou a voceira da formación laranxa.

Louzao explicou que durante o pasado mandato o Goberno local anunciou a súa elaboración, que sen embargo segue sen ser unha realidade a día de hoxe. De feito, o 9 de xaneiro de 2017 o Goberno municipal publicaba no Boletín Oficial da Provincia o anuncio da elaboración desta ordenanza para permitir aos distintos colectivos afectados e á cidadanía en xeral participar no proceso e facer aportacións.

No anuncio feito no BOP dábase un prazo de 15 días ás persoas interesadas para facer as súas achegas e suxestións coa intención de que foran recollidas na nova norma. «O proceso quedou totalmente paralizado nese punto. Desde 2017 o Goberno local non deu un paso máis para paliar o problema que supón a falta de regulación da publicidade exterior. Esiximos que se poñan a traballar de inmediato», sinalou Louzao.

O grupo municipal de Cs considera  que a falta de  vontade política do Goberno municipal está a xerar importantes consecuencias, tanto para os anunciantes, que carecen de seguridade xurídica, como para os veciños de Lugo, que sofren a instalación deste tipo de publicidade en moitas ocasión en lugares que non son adecuados para elo e cun importante impacto ambiental. «Ademais, a falta de regulación está a xerar unha carga extra de traballo totalmente innecesario para os funcionarios municipais xa que nos últimos anos estanse a abrir numerosos expedientes por este asunto», apuntou Louzao.

As lonas decorativas

Ademais dos valos de publicidade exterior existe outro aspecto fundamental para a conservación estética da cidade que está a espera de que se aprobe esta normativa. «Nos propoñemos que se regule a instalación e os aspectos formais da colocación de lonas decorativas para tapar edificios en mal estado, ruínas urbanísticas ou medianeiras antiestéticas. É fundamental contar cunha regulación para este asunto. A cidade estase a resentir pola falta de iniciativa do Goberno local», apuntou Louzao. «Barrios como A Milagrosa e o Barrio Feijóo, o centro da cidade, na Ronda da Muralla e en rúas do casco histórico, están moi afectadas pola falta de iniciativa deste Goberno. Xa que non se obriga a que se arreglen os edificios, nin se incentiva con axudas aos propietarios, é necesario que se regule de xeito urxente as lonas para tapalos, como se fai en outras cidades do noso país», concluiu.